RECUNCHO RADIO

O 11 de abril iniciaron as obras na biblioteca. O recuncho de radio trasladouse, provisionalmente, ao despacho de dirección. 

RADIO CUBISTA

Os nenos e nenas de 6º Infantil, guiados pola súa titora, contan a través da radio o que aprenderon da arte Cubista, estilo artístico que escolleron no PDI "E ti que pintas?". 

A actividade consistiu en que cada neno e nena tiña que escoller un pintor/a ou obra,  que traballaron ao longo do curso a través das actividades propostas pola biblioteca, e contar por que a elixiron.

Preme AQUÍ, para ver o guión. 

Aquí tedes o resultado.

RECREOS NA BIBLIO

O alumnado de 6º de Infantil e a súa titora Mari, aproveitan algún recreo da mañá para estar no recuncho de radio da biblioteca. Están facendo ensaios porque dentro de nada, contarán sobre o que aprenderon da arte Cubista a través das actividades propostas pola biblioteca. 

ACTIVIDADES DO COLEXIO

O alumnado de 6º E.P. guiados pola mestra Aurelia, fálanos, a través da radio, das conmemoracións celebradas este curso escolar, do comedor e de dúas actividades da biblioteca: Club de lectura e Voluntariado. 

Entre tema e tema, van facendo publicidade ( pizzería, casa en venta, floristería...).

 O guión foi elaborado polo alumnado.

Aquí tedes o resultado:

OBRADOIRO DE RADIO NA BIBLIOTECA

O venres 25 de febreiro, o alumnado de 4º e 5º de E.P. desfrutou dun obradoiro de radio na man de Sergio Pascual, formador de radio. A actividade desenvolveuse na biblioteca no seguinte horario:

- 4º E.P.:10.00 - 11.30h.

- 5º E.P.:11.45 - 13.15h.

O obradoiro arrancou cunha serie de dinámicas de presentación e coa introdución á linguaxe radiofónica así como o proceso para elaborar un programa de radio.

Unha das cousas nas que Sergio Pascual fixo máis fincapé foi na escoita activa e no traballo en equipo, elementos fundamentais para facer radio na escola. 

Cos elementos da linguaxe radiofónica: voz, música, efectos de son e silencio, comezaron a traballar a sonorización e locución de historias inventadas. Traballaron en equipo e repartiron as tarefas. Remataron a actividade coa gravación das historias.

Con este obradoiro tratouse de promover os valores pedagóxicos do medio radiofónico: traballo en equipo, escoita activa, creatividade e imaxinación.

4º E.P.

5º E.P.

CADROS DO ROMANTICISMO

O alumnado de 6º de E.P. encamiñados pola mestra Aurelia, elaboraron a súa primeira produción sonora no laboratorio de radio da biblio.

Están traballando sobre o Romanticismo e van describir, a través dun podcast interpretado e sonorizado por eles, 10 cadros deste estilo artístico. 

Aquí tedes o resultado...

MAXIA RADIOFÓNICA NO NADAL

O alumnado de 6º E.P. utilizou a radio na obra que prepararon para o Festival virtual de Nadal.

Aquí están facendo un ensaio no recuncho de radio na biblioteca.

Aquí tedes o resultado.